Յակով Քեդմի. Բրյուսելի պայթյունները՝ հանցավոր անփութության հետևանք են

Բրյուսելի պայթյունները Եվրոպայում ահաբեկչական գործողությունների բնական շարունակությունն են, որոնք հետևանք են Մերձավոր Արևելքում տեղի ունեցող իրադարձությունների: Այդ մասին հայտարարել է իսրայելական հատուկ Նատիվ ծառայության նախկին ղեկավար Յակով Քեդմին:

Նա նշել է, որ ահաբեկչությունների աճող թիվը, որոնք կարողացել են իրականացնել ահաբեկիչների խոսում է այն մասին, որ Եվրոպան ոչ մի կերպ պատրաստ չէ ահաբեկչական վտանգին հակազդել, փոխանցում է izvestia.ru կայքը: Ըստ նրա, այսօրվա Եվրոպան բավականաչափ շատ են ահաբեկչական կազմակերպությունների և պոտենցիալ ահաբեկիչների թիվը: Նրանց նկատմամբ գրեթե չկա որևէ վերահսկողություն, Եվրոպայում չի աշխատում ահաբեկչությունների կանխման մեխանիզմը:

Բրյուսելում նախատեսված պայթյունների մասին հայտնի էր մինչ այդ: Այդ մասին հայտնում էին ԶԼՄ-ները: Սակայն եվրոպական հատուկ ծառայությունները չեն արձագանքել այդ սպառնալիքներին:

Քեդմին նշել է, որ Եվրոպայում չեն գիտակցել միլիոնավոր միգրանտների հոսքի վտանգը: Նրանք չեն հասկացել, որ Մերձավոր Արևելքում գործող ահաբեկչական կազմակերպությունների հայտնվելը Եվրոպայում միայն ժամանակի հարց է: Նրանք լուրջ չեն վերաբերվել այն փաստին, որ փախստականների հոսքի հետ միասին Եվրոպայում են հայտնվել հազարավոր ահաբեկիչներ: Եթե իրերն իրենց անուններով կոչենք, ապա Եվրոպայում կատարվածը հանցավոր անփութության հետևանք է: Նրա խոսքով, պետք է ինչքան հնարավոր է արագ հայտնաբերել պոտենցիալ ահաբեկիչներին: