Անձրեւ եւ ժողովրդավարական հասարակարգ. Արարատ Միրզոյանը նշեց ցածր մասնակցության պատճառները

ՀՀ առաջին փոխվարչապետի պաշտոնակատար, «Իմ քայլը» դաշինքի ցուցակով թեկնածու առաջադրված Արարատ Միրզոյանը ընտրություններին քաղաքացիների մասնակցության ցածր մակարդակը բացատրում է անձրևով և ժողովրդավարական հասարակարգով:

Հայաստանում տեղի են ունեցել ազատ, արդար ժողովրդավարական ընտրություններ: «Իմ քայլը» դաշինքի նախընտրական շտաբում այս մասին ասաց առաջին փոխվարչապետի պաշտոնակատար Արարատ Միրզոյանը՝ նկատելով, որ ընտրողների վրա ազդեցություն գործելու փորձեր չեն եղել:

«Ընտրություններին մասնակցությունը, կարծես թե այն ցածր չէ, բայց, այո՛, բարձր էլ չէ»,- ասաց նա՝ նկատելով, որ համացանցում էլ կան պնդումներ, որ ընտրողների թիվը չի համապատասխանում ցուցակներում եղած թվին, քանի որ կան երկրից բացակայողներ,- բացի դրանից, անձրև է, նաև ազատ, ժողովրդավարական հասարակարգերում մասնակցության շատ բարձր տոկոս չի գրանցվում, այնպես որ մեդալը երկու կողմ ունի»,- ասաց նա:

Նա խոսքեց նաեւ ընտրատեղասերում նկատված կուտակումների մասին: «Ինչ խոսք, մամուլում հանդիպել են հատվածական, մեկ-երկու դիպվածներ, որքանով հասկացա, ընտրատեղամասերի կուտակումների հետ կապված, և դրանք շատ արագ լուծվել են իրավապահ համակարգի շնորհիվ»,- ասաց նա:

Ըստ ԿԸՀ տվյալների, խորհրդարանական արտահերթ ընտրություններին ժամը 20:00-ի դրությամբ մասնակցել է 1 260 840 ընտրող կամ ընտրողների 48.63 տոկոսը: Նկատենք, որ 2017-ի ապրիլի 2-ին տեղի ունեցած հերթական խորհրդարանական ընտրություններին ժամը 20:00-ի դրությամբ մասնակցել է 1 574 947 մարդ կամ ընտրողների 60.86 տոկոսը: