Քոչարյանի շուրջ համախմբվելն այս ընտրություններում անհեռանկարային է. Հակոբյան

ՀՀ նախկին նախագահ Ռոբերտ Քոչարյանը կարող է դառնալ ընդդիմադիր դաշտում կոնսոլիդացնող գործոն: Այս մասին VERELQ-ի հետ զրույցում հայտարարեց քաղտեծնոլոգ Վիգեն Հակոբյանը:

«Նա կարող է լինել այն ֆիգուրը, որի շուրջ կփորձեն համախմբվել բոլոր այն քաղաքական ուժերը, որոնք կորցրել են տանիքը: Բայց ես քիչ հավանական եմ համարում նրա էլեկտորալ հնարավորությունները: Կարծում եմ, Քոչարյանի վրա խաղադրույք անելը այս ընտրություններում անհեռանկարային է»,- նշեց Հակոբյանը:

Քաղտեխնոլոգը կարծիք հայտնեց նաև, որ առաջիկա խորհրդարանական ընտրություններին մասնակցելու համար այդ ուժերին հարկավոր է այլ թեկնածու, որին ժողովուրդը ավելի լոյալ կվերաբերվեր: Եվ սա հասկանալի է՝ Հայաստանում Քոչարյանը հանդիսանում է ամենացածր վարկանիշ ունեցող քաղաքական գործիչներից մեկը: