Նազարբաևը ԵԱՏՄ առաջնորդներին կոչ է արել քննարկել Սև և Կասպից ծովերի միացման հարցը

Ղազախստանի նախագահ Նուրսուլթան Նազարբաեւը Եվրասիական տնտեսական խորհրդի նիստին կազմակերպության շրջանակներում տնտեսական համագործակցության հետագա ամրապնդմանն ուղղված մի շարք հարցեր է բարձրացրել, փոխանցում է «Կազինֆորմ»-ը:

Նազարբաեւը մասնավորապես ընդգծել է խոշոր ենթակառուցվածքային մեգանախագծերի իրականացման համար հնարավորությունների ստեղծման անհրաժեշտությունը.

«Դրանց թվում են «Եվրասիա» արագընթաց երկաթուղային ճանապարհը, որը Եվրոպան Ռուսաստանի եւ Ղազախստանի միջոցով կկապի Ասիայի հետ: Մեկ այլ հեռանկարային նախագիծ կլիներ «Եվրասիա» նավարկելի ճանապարհի կառուցումը, որը թույլ կտա Սեւ ծովը ջրային ճանապարհով կապել Կասպից ծովի հետ: Սրանք, իհարկե, խոշոր ծրագրեր են, սակայն մենք պետք է սկսենք իրականացնել դրանք: Այլ կերպ ասած՝ ԵԱՏՄ-ի ենթակառուցվածքը կարող է լավ կամուրջ դառնալ Ասիայի եւ Եվրոպայի, Արեւելքի եւ Արեւմուտքի, Խաղաղ օվկիանոսի եւ Ատլանտյան օվկիանոսի միջեւ»,- ասել է Ղազախստանի նախագահը: