ԱՄՆ-ն միջազգային կարգն է ապակայունացնում. ՌԴ ԱԳՆ

Ռուսական դիվանագիտական սեփականության նկատմամբ գործողություններով ԱՄՆ-ն ապակայունացնում ոչ միայն Ռուսաստանի հետ հարաբերությունները, այլ նաեւ միջազգային կարգը: Այս մասին նշված է ՌԴ ԱԳ նախարարության հայտարարության մեջ, փոխանցում է «ՌԻԱ Նովոստի»-ն:

Հիշեցնենք, որ Սան Ֆրանցիսկոյում Ռուսաստանի գլխավոր հյուպատոսությունը, ինչպես նաեւ Վաշինգտոնում եւ Նյու Յորքում առեւտրային ներկայացուցչությունները սեպտեմբերի 2-ին Պետքարտուղարության պահանջով փոխանցվել են ամերիկյան կողմին: Ռուսական կողմը հայտարարում է, որ շենքերում ՀԴԲ գործակալների մասնակցությամբ ապօրինի խուզարկություններ են անցկացվել, իսկ Պետքարտուղարությունը հերքում է Հետաքննությունների բյուրոյի մասնակցությունը եւ խոսում ոչ թե խուզարկությունների, այլ շրջայցի եւ տեսչական ստուգման մասին: