ՌԴ ԱԳՆ-ն կշարունակի պաշտպանել Լապշինի իրավունքներն ու շահերը

Ռուսական կողմը կշարունակի պաշտպանել Բաքվի դատարանի կողմից երեք տարվա ազատազրկման դատապարտված ՌԴ քաղաքացի Ալեքսանդր Լապշինի իրավունքներն ու շահերը: Այս մասին ՌԻԱ Նովոստիին հայտնել են ՌԴ ԱԳՆ-ից:

Գերատեսչությունից մանրամասնել են, որ մեղադրանքը Լապշինին առաջադրվել է վերջինիս կողմից Լեռնային Ղարաբաղ այցելության կապակցությամբ: ԱԳՆ-ն, հիշեցրել են գերատեսչությունից, իր սկզբունքային դիրքորոշումը այս հարցում արդեն արտահայտել է՝  դեմ են լրագրողի կամ մասնավոր անհատի կողմից այս կամ այն տարածքի կամ տարածաշրջանի այցելությունը քրեականցնելու փորձերին

«Մենք կշարունակենք աշխատանքը ՌԴ քաղաքացու իրավունքներն ու շահերը պաշտպանելու ուղղությամբ, հաշվի առնելով դատարանի վճիռը: Ադրբեւանում Ռուսաստանի դեսպանատան աշխատակիցները կապ են պահպանում Լապշինի ու նրա փաստաբանի հետ»,- հավելել են ԱԳՆ-ից:

Հիշեցնենք, ավելի վաղ Լապշինի փաստաբանը հայտնել էր, որ բլոգերը կարող է արտահանձնվել Ռուսաստան, Իսրայել կամ Ուկրաինա՝ այդ երկրների քաղաքացի է և պատիժը կրել այդ երկրներից որևէ մեկում: ՌԴ նախագահի խոսնակ Դմիտրի Պեսկովը հայտարարել էր, որ Ալեքսանդր Լապշինի հնարավոր արտահանձնման հարցը Կրեմլի հետաքրքրությունների դաշտում չէ: