Զախարովա. Իրանի և Թուրքիայի հետ Սիրիայի հարցով երկարաժամկետ փոխգործակցություն ենք ակնկալում

Ռուսաստանը Իրանի ու Թուրքիայի հետ Սիրիայի հարցով կառուցողական ու երկարաժամկետ փոխգործակցություն է ակնկալում։ Այս մասին հայտնել է ԱԳՆ պաշտոնական ներկայացուցիչ Մարիա Զախարովան, փոխանցում է «Վեստին»։

«Մենք այդ փոխգործակցությունը դիտարկում ենք որպես կառուցողական ու հավանաբար այնուամենայնիվ՝ երկարաժամկետ, քանի որ հոյակապ հասկանում ենք, որ սիրիական կարգավորումը երկարատեւ հարց է ու պահանջում է այդ գործընթացում ներառված պետությունների ջանքերի համախմբում»,- ասել է Զախարովան ճեպազրույցի ժամանակ։

Նա հավելել է, որ իր կարծիքով «այստեղ առավել տեղին է» «կառուցողական» բնորոշումը։