Կլաարը դրական է գնահատել ապաշրջափակման շուրջ բանակցությունները Երևանում և Բաքվում

Հարավային Կովկասում և Վրաստանում ճգնաժամի հարցերով ԵՄ Հատուկ ներկայացուցիչ Տոյվո Կլաարը դրական է գնահատել Հայաստանի և Ադրբեջանի իշխանությունների հետ հաղորդակցությունների ապաշրջափակման հարցի շուրջ բանակցությունները։

«Անցկացրել եմ հիանալի հանդիպումներ՝ երեկ Ադրբեջանի փոխվարչապետ Շահին Մուստաֆաևի և այսօր Հայաստանի փոխվարչապետ Մհեր Գրիգորյանի հետ՝ ենթակառուցվածքների վերականգնման հետ կապված։ Հաճելի է տեսնել երկու կողմերի հստակ հանձնառությունը»,- գրել է Կլաարը Twitter-ի իր միկրոբլոգում: