ԱՄՆ Ազգային դեմոկրատական ինստիտուտի (NDI) անցկացրած հետազոտության համաձայն, Վրաստանում հարցված բնակչության 46 տոկոսն այն կարծիքին է, որ երկրում ժողովրդավարություն չկա: «Ընդհանրապես, ձեզ համար որքանո՞վ է կարեւոր կամ անկարեւոր ժողովրդավարական երկրում ապրելը» հարցին մասնակիցների 59 տոկոսը պատասխանել է, որ շատ կարեւոր է, 33 տոկոսի կարծիքով՝ կարեւոր է, իսկ 24 տոկոսը կարծում է, որ դա կարեւոր չէ: «Երկրում կա արդյոք ժողովրդավարություն» հարցին մասնակիցների 43 տոկոսը պատասխանել է, որ Վրաստանում ժողովրդավարություն կա, իսկ 46 տոկոսի կարծիքով՝ երկրում ժողովրդավարություն չկա: Հարցված բնակչության 11 տոկոսը չգիտի այդ հարցի պատասխանը: Կազմակերպությունն ուսումնասիրությունն անցկացրել է դեկտեմբերի 6-20-ը: Հարցմանը մասնակցել է ավելի քան 2 հազար 200 մարդ:
