Հատուկ նշանակության բժշկական ստորաբաժանման ռուս ռազմական բժիշկներն անցած մեկ օրում ավելի քան 20 հիվանդի օգնություն են ցուցաբերել Արցախի Ասկերանի շրջանի հեռավոր բնակավայրերում: Այս մասին դեկտեմբերի 8-ին հայտնել են ՌԴ ՊՆ մամուլի ծառայությունից: Հատուկ նշանակության բժշկական ստորաբաժանման ռուս խաղաղապահները բազմաֆունկցիոնալ բժշկական թիմեր են ձևավորել՝ Արցախի հեռավոր բնակավայրերում ռազմական բժիշկների դաշտային աշխատանքը կազմակերպելու համար: Բազմաֆունկցիոնալ բժշկական թիմերում ընդգրկված են տարբեր մասնագիտությունների բժիշկներ, ինչպես նաև հոգեբաններ, որոնք օգնություն են տրամադրում հեռավոր գյուղերի և մարզերի բնակչությանը: Հիմնական խնդիրները, որոնցով մասնագետներին են դիմում տեղացիները, կապված են տարբեր քրոնիկ հիվանդությունների, սրտանոթային և էնդոկրին համակարգերի հիվանդությունների սրացման և ատամնաբուժական օգնության ապահովման հետ: Սստորաբաժանումներում ընդգրկված են ավելի քան 60 մասնագետներ, այդ թվում՝ռազմական վիրաբույժներ, անեսթեզիոլոգ-վերակենդանացման մասնագետներ, թերապևտներ և համաճարակաբաններ:
