«Վրաց-ադրբեջանական պետական սահմանի սահմանագծման գործընթացը դեռ շարունակվում է»: Այս մասին ասված է Վրաստանի արտաքին գործերի նախարարության տարածած հաղորդագրության մեջ: «Սահմանագծման գործընթացը շարունակվում է: Պետական սահմանի սահմանագծումը երկար գործընթաց է: Այն իրականացվում է երկկողմ հիմունքներով՝ սահմանի ողջ երկայնքով և պահանջում է կողմերի փոխադարձ համաձայնությունը: Հարևան երկրների հետ սահմանների սահմանագծման հարցի շուրջ բանակցելիս վրացական կողմը միշտ ղեկավարվում է ազգային շահերով և կողմերի փոխադարձ համաձայնությունը ստանալու անհրաժեշտությամբ», - ասված է հաղորդագրության մեջ:
