Ռուսաստանի պաշտպանության նախարար Սերգեյ Շոյգուն հայտարարել է, որ նման լայնածավալ միջազգային միջոցառումներ, ինչպիսիք են ՇՀԿ, ԱՊՀ եւ ՀԱՊԿ երկրների պաշտպանական գերատեսչությունների ղեկավարների հանդիպումը, դեռեւս չեն անցկացվել: "Այսօրվա նիստը նման մակարդակի առաջին հանդիպումն է մեր միջազգային շփումների պատմության մեջ", - ասել է Շոյգուն բացման խոսքում, հաղորդում է "ՌԻԱ Նովոստին": Նա վստահություն է հայտնել, որ միջազգային ռազմական համագործակցությունն այս հանդիպումից հետո կակտիվանա, իսկ նիստի արդյունքները "ամուր հիմք կդառնան պաշտպանական գերատեսչությունների փոխգործակցության խորացման համար": Շոյգուն նաեւ շնորհակալություն է հայտնել ՇՀԿ-ի, ԱՊՀ-ի եւ ՀԱՊԿ-ի գործընկերներին՝ Մոսկվայում հունիսի 24-ին կայացած Հաղթանակի զորահանդեսին մասնակցության համար, ինչպես նաեւ նշել դրանց պատրաստվածության բարձր մակարդակը:
