ԱԺ նախագահ Արարատ Միրզոյանը վստահ է, որ արցախյան պատերազմի հարցում Ռուսաստանը տարածաշրջանային անվտանգության ապահովման գործում իր դերը կկատարի: Այդ մասին ասված է Միրզոյանի Ֆեյսբուքյան էջում կատարված գրառման մեջ: «Վերադառնում եմ Ստեփանակերտից։ Մեր 18֊20 տարեկանները հրաշքներ են գործում։ Ու անասելի պինդ են։ Աշխարհի ամենապինդ բանակներից մեկը։ Մատակարարումներն ապահովվում են։ Միջազգային ընդգծված համակրանքն ակնհայտ է։ Վստահ եմ՝ մեր բարեկամները և առաջին հերթին Ռուսաստանը տարածաշրջանային անվտանգության ապահովման գործում իր դերը կկատարի, այդ թվում և ԵԱՀԿ Մինսկի խմբի համանախագահության շրջանակներում», - ասված է նրա գրառման մեջ։
