Այս պահին Արցախի մայրաքաղաք Ստեփանակերտը հրթիռակոծվում է: Այդ մասին հայտնում է Արցախի նախագահի մամուլի խոսնակ Վահրամ Պողոսյանը: Մինչ այդ Հայաստանի արտգործնախարար Զոհրաբ Մնացականյանը և Ադրբեջանի արտգործնախարար Ջեյհուն Բայրամովը հեռախոսազրույց են ունեցել Ռուսաստանի արտգործնախարար Սերգեյ Լավրովի հետ։ Կողմերը վերահաստատել են, որ հավատարիմ են հակամարտության գոտում հրադադար հաստատելու պայմանավորվածություններին, որոնք ձեռք են բերվել հոկտեմբերի 9-ի խորհրդակցությունների արդյունքում, ընդգծել դրանց խստորեն հետևելու անհրաժեշտությունը։ Հայաստանի արտաքին գործերի նախարարությունը հայտարարություն է տարածել, որում խստորեն դատապարտել է «կրակի դադարեցման վերաբերյալ ձեռք բերված համաձայնության տապալմանն ուղղված Ադրբեջանի քայլերը»։
