Փոխվարչապետ Տիգրան Ավինյանի գրասենյակի ղեկավար Վարագ Սիսեռյանը գրել է, որ վարչապետ Փաշինյանի գրառումից հետո հեռանում է իր զբաղեցրած պաշտոնից և դադարեցնում անդամակցությունը «Քաղաքացիական պայմանագիր» կուսակցությանը: «Սիրելի հայրենակիցներ, վարչապետ Նիկոլ Փաշինյանի վերջին գրառումից հետո որոշել եմ 1-Աշխատանքից ազատման դիմում գրել 2-Դադարեցնել անդամակցությունս Քաղաքացիական պայմանագիր կուսակցությանը Շնորհակալություն եմ հայտնում փոխվարչապետ Տիգրան Ավինյանին՝ ինձ նմանօրինակ պատասխանատու աշխատանք վստահելու և անձնուրաց ղեկավարման համար», - ասված է նրա ֆեյսբուքյան գրառման մեջ։
