Ռուսաստանում հայտնաբերվել է կորոնավիրուսի Հարավաֆրիկյան շտամը։ Այս մասին հայտնում է «Ռոսպոտրեբնադզորի» կայքը։ «Հայտնաբերվել է 28 դեպք, որոնք վերաբերում են բրիտանական տարբերակին, երկուսը՝ Հարավաֆրիկյան տարբերակին, բրազիլական տարբերակին վերաբերող դեպքեր չեն հայտնաբերվել», - ասված է Ռոսպոտրեբնադզորի հաղորդագրության մեջ: Եվս 16 դեպքերում հայտնաբերվել են կորոնավիրուսի այլ մուտացիաներ։ ՌԲԿ-ն նշում է, որ կորոնավիրուսի նոր շտամի հայտնաբերման մասին ՀԱՀ-ի իշխանությունները հայտնել են անցյալ տարվա վերջին: Նոր մուտացիան նախորդներից մոտ 50 տոկոսով վարակիչ է եղել։ Նոր շտամը կարող է վտանգավոր լինել նաեւ կրկնակի վարակվելու վտանգի պատճառով, իսկ արդեն մշակված պատվաստանյութերը՝ դրա դեմ ոչ արդյունավետ, նախազգուշացրել են Յոհանեսբուրգի Առողջապահության ազգային լաբորատոր ծառայության գիտնականները: Փետրվարին ՀԱՀ-ից մուտացիայի բարձր վարակվածությունը հաստատել է Առողջապահության համաշխարհային կազմակերպությունը (ԱՀԿ):
