ԱՄՆ-ը Հայաստանի սահմանի երկայնքով ադրբեջանցի զինվորականների տեղաշարժերը սադրիչ է համարում

ԱՄՆ նախագահ Բայդենի ազգային անվտանգության հարցերով խորհրդական Ջեյք Սալիվանը մայիսի 17-ին առանձին հեռախոսազրույցներ է ունեցել Հայաստանի վարչապետի պաշտոնակատար Նիկոլ Փաշինյանի եւ Ադրբեջանի նախագահ Իլհամ Ալիեւի հետ: Այս մասին ասվում է Սպիտակ տան հաղորդագրության մեջ։


Ջեյք Սալիվանը մտահոգություն է հայտնել Հայաստանի և Ադրբեջանի միջեւ վերջերս տեղի ունեցած լարվածության կապակցությամբ եւ ընդգծել, որ չնշված սահմանի մոտ զինվորականների տեղաշարժը անպատասխանատու եւ սադրիչ է:


Ընդ որում, նա ողջունել է երկու կողմերի միջեւ շարունակվող շփումը եւ երկու առաջնորդների հանձնառությունը խնդրի խաղաղ կարգավորմանը:


Բացի այդ, Սալիվանը հայտարարել է երկու երկրների կողմից իրենց միջազգային սահմանի սահմանազատման վերաբերյալ պաշտոնական բանակցությունների անցկացման անհրաժեշտության մասին:


Սալիվանը նշել է նաեւ ԱՄՆ-ի՝ որպես ԵԱՀԿ Մինսկի խմբի համանախագահ, հավատարմությունը Հարավային Կովկասում խաղաղությանը, անվտանգությանը և բարգավաճմանը, ինչպես նաև երկկողմ շփումների միջոցով տարածաշրջանային հաշտության ձեռքբերմանը:

Տպել

Թեմայի այլ նորություններ
Загрузка...