Թուրք հնագետները ուրարտական 45 դամբարանադաշտ են հայտնաբերել Թուրքիայի Վանա նահանգի Գյուրփընար շրջանի Չավուշթեփե ամրոցի դամբարանում պեղումների ժամանակ։ Այս մասին հաղորդում է EADaily-ն՝ վկայակոչելով Hurriyet Daily News-ը։ Ամրոցը, որի տարածքում հայտնաբերվել են դամբարանադաշտեր, կառուցվել է ուրարտական Սարդուրի 2-րդ թագավորի կողմից մ.թ. ա. 750 թվականին: Նշվում է, որ այս տարվա պեղումների ամենագլխավոր գտածոն տարաներն են: Այն բանից հետո, երբ դիակը հրկիզվել է, այն դրել են մնացած ամբողջ ոսկրային Կտորի եւ մոխրի մեջ եւ թաղել գերեզմանի կողքին: Այդ տարաների մակերեսին անցքեր էին անում, որպեսզի հոգին կարողանա մտնել ու դուրս գալ դրանցից։ Ըստ պեղումներ իրականացնող մասնագետների՝ կարելի է պնդել, որ դրանք օգտագործվել են 2 750 տարի առաջ ուրարտական շրջանում։ Չավուշթեփում դամբարանադաշտ է հայտնաբերվել 2017 թվականին։ Այդ ժամանակից ի վեր ամեն տարի այնտեղ անցկացնում են պեղումները: