ՌԴ Հարավային շրջանի հրամանատարությունը կքննարկի զորքերի գաղտնի տեղափոխման մեթոդները

Հարավային ռազմական շրջանի հրամանատարական կազմն օպերատիվ զորահավաքային հավաքին կքննարկի զորքերի գաղտնի և օպերատիվ վերատեղաբաշխման հարցերը: Այս մասին լրագրողներին հայտնել է ռուսական ռազմակայանի մամուլի ծառայության պետ Վադիմ Աստաֆևը, փոխանցում է «ՌԻԱ Նովոստի»-ն։


Շրջանի զորքերի հրամանատար Ալեքսանդր Դվորնիկովի ղեկավարությամբ օպերատիվ զորահավաքային հավաքն առաջին անգամ կանցկացվի միավորումների և զորամասերի հրամանատարների մասնակցությամբ մինչև գնդերի հրամանատարները ներառյալ: Մեթոդական պարապմունքներում, որոնք կանցկացվեն Տեսակոնֆերանսների ռեժիմով, գործի կդրվեն 300-ից ավելի սպաներ և գեներալներ: Հավաքի շրջանակներում կկազմակերպվի նաև հրամանատարաշտաբային ռազմական խաղ, որի ընթացքում մասնակիցները պայմանական պաշտպանական գործողություն կիրականացնեն զորքերի ուսումնական խմբավորման մարտական կառավարման կենտրոնի կազմում:


«Հավաքի հիմնական նպատակներից մեկը զորքերի կառավարման նոր մոտեցումներ մշակելն է, որոնք թույլ են տալիս կրճատել միավորումների տեղափոխման ժամկետները հեռավոր գործառնական ուղղությունների վրա, ինչպես նաեւ բարձրացնել դրանց գաղտնիությունը», - ասել է Աստաֆևը:


«Հետախուզական-հարվածային համալիրների ստեղծումը միաժամանակ մի քանի գործառնական ուղղություններով պետք է տեղի ունենա ամենակարճ ժամկետում, ընդ որում՝ ներառի ավիացիայի, նավատորմի, հրթիռային զորքերի և ռեակտիվ հրետանու բարձր ճշգրտության զենքի միջոցները», - մեջբերել է նա Դվորնիկովան:


Աստաֆևը նշել է, որ այս մոտեցումն, օրինակ, թույլ կտա ապահովել «Իսկանդեր» օպերատիվ-մարտավարական համալիրների դիվիզիոնների, «Բալ» առափնյա հրթիռային համալիրների կամ «Տոռնադո-Ս» համազարկային հրթիռային դիվիզիոնների վտանգավոր ուղղությամբ հայտնվելու հանկարծակի լինելը: Բացի այդ, ռուսական ռազմակայանի հրետանավորների և զենիթայինների մարտական պատրաստության համակարգում ներդրվել են անպատրաստ դիրքերից կրակային խոցման հմտությունների կատարելագործման հարցերը, ինչը մի քանի անգամ կբարձրացնի դրանց արդյունավետությունը:

Տպել

Թեմայի այլ նորություններ
Загрузка...