Ադրբեջանի ու ՀՀ նախագահների հանդիպումը Վիեննայում չդարձավ բեկումնայի կամ տապալված. կողմերը մնացին իրենց դիրքորոշումներին: Այդ մասին Turan-ի հետ զրույցում հայտարարել է քաղաքական մեկնաբան Ռաուֆ Միրկադիրովը: Նրա խոսքով, ՀՀ-ը հանդիպումից առաջ պնդում էր հրադադարի ռեժիմի ամրապնդումը, հետաքննությունների մեխանիզմների մշակումն ու ներդրումը, ինչն էլ իր արտացոլումը գտավ միջնորդների հայտարարությունների մեջ: Ըստ նրա, Երևանը չի կարողացել ստանալ Ադրբեջանի կողմից ուժի չկիրառման մասին հավաստիացումներ: Միրկադիրովը նշել է, որ Լավրովի հայտարարություններից դատելով՝ փոխզիջումների անհրաժեշտության մասին կարելի է նշել, որ միջնորդներն ընդունել են Ադրբեջանի դիրքորոշումն առարկայական բանակցությունների անհրաժեշտության մասին: «Հետագայում Ադրբեջանը պետք է հասնի այդ փուլային տարբերակի իրականացման ժամկետների սահմանմանը: Այսինքն՝ բանակցությունները չեն կարող լինել անժամկետ և շարունակվել ևս 22 տարի»,-նշել է նա: Միրկադիրովը նշել է, որ վերջին քսան տարվա ընթացքում քննարկվել են հարցի լուծման մի քանի տարբերակ՝ փուլային, փաթեթային, ընդհանուր պետության, մադրիդյան սկզբունքների, Կազանյան բանաձևի և այլն: "Միջնորդներ դժվար թե նոր բան առաջարկեն, այդ պատճատով պետք է կոնկրետանալ մադրիդյան սկզբունքների վրա, որոնք կարտացոլեն ՄԱԿ ԱԽ-ի չորս բանաձևերը Լեռնային Ղարաբաղի մասին, իսկ եթե բանակցային գործընթացը մտնի փակուղի Ադրբեջանը պետք է հարցը բարձրացնի ՄԱԿ-ի ԱԽ-ում", - ասել է նա:
