Բրյուսելում կկայանա Նիկոլ Փաշինյանի, Իլհամ Ալիևի և Շառլ Միշելի եռակողմ հանդիպումը

Վարչապետ Նիկոլ Փաշինյանը երկօրյա աշխատանքային այցով մեկնել է Բրյուսել:

Նիկոլ Փաշինյանը Բրյուսելում կմասնակցի Արևելյան գործընկերության 6-րդ գագաթնաժողովին: Միջոցառման շրջանակներում նախատեսված են Հայաստանի Հանրապետության վարչապետի երկկողմ հանդիպումները եվրոպական գործընկերների հետ:

Վարչապետը առանձնազրույց կունենա նաև Եվրոպական խորհրդի նախագահ Շառլ Միշելի հետ:

Բրյուսելում նախատեսված է Հայաստանի Հանրապետության վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի և Ադրբեջանի Հանրապետության նախագահ Իլհամ Ալիևի եռակողմ հանդիպումը: