Ռուսաստանը նվազեցնում է իր կախվածությունը արտասահմանյան վճարային համակարգերից. Ռյաբկով

Միջազգային իրադրության փոփոխականության պայմաններում Ռուսաստանը ստիպված է շարունակել ամրապնդել սեփական ինքնիշխանությունը, այդ թվում՝ կրճատելով կախվածությունը արտասահմանյան վճարային համակարգերից եւ տեխնոլոգիաներից:

Այս մասին չորեքշաբթի հայտարարել է ՌԴ փոխարտգործնախարար Սերգեյ Ռյաբկովը «Համաշխարհային քաղաքականությունը անկայունության պայմաններում. Նոր աշխարհակարգի երկընտրանքները», հաղորդում է «Ինտերֆաքսը»:

«Միջազգային ասպարեզում բավականին բարդ, անկայուն իրավիճակ է ստեղծվում, որի զարգացումը հաճախ դժվար է կանխատեսել։ Նման պայմաններում տնտեսությունում, ներքին եւ արտաքին գործերում ՌԴ ինքնիշխանության ամրապնդման համակարգային աշխատանքին այլընտրանք չենք տեսնում, ներառյալ օտարերկրյա վճարային համակարգերից եւ տեխնոլոգիաներից կախվածության կրճատումը», - նշել է Ռյաբկովը:

«Դրա հետ մեկտեղ Ռուսաստանը, որպես միջազգային հանրության պատասխանատու անդամ, ՄԱԿ-ի Անվտանգության խորհրդի մշտական անդամ եւ երկու խոշորագույն միջուկային տերություններից մեկը, չի կարող եւ անմասն չի մնա համաշխարհային գործընթացներից։ Մենք խնդիր ենք տեսնում առաջ մղել դրական եւ կառուցողական միջազգային օրակարգը, նպաստել համաշխարհային հանրության կողմից տուրբուլենտության ներկա շրջանի անցնելու ծրագրին», - շարունակել է նա ։

Այդ կապակցությամբ փոխնախարարը հիշեցրել է նախագահ Վլադիմիր Պուտինի ՝ «միջուկային հնգյակի» գագաթաժողով հրավիրելու առաջարկի մասին։ «Նման գագաթնաժողովը, ինչպես մենք տեսնում ենք, թույլ կտա բարելավել մթնոլորտը միջազգային ասպարեզում, կնպաստի ՄԱԿ-ի ԱԽ մշտական անդամների միջեւ վստահության կայունացմանն ու հնարավոր վերականգնմանը», - նշել է փոխնախարարը: