ՊՆ-ն ոչ հերքում, ոչ հաստատում է Իշխանասարից ադրբեջանական զորքերի հետ քաշվելու լուրը

ՀՀ ՊՆ-ում մեկնաբանել են Իշխանասարի շրջանում ադրբեջանական զորքերի նահանջի մասին ԶԼՄ-ներում տարածված լուրը:

"Արմենպրես"-ի հարցմանն ի պատասխան՝ ՀՀ պաշտպանության նախարարությունը չի հաստատել և չի հերքել այդ լուրը՝ կոչ անելով տեղեկատվություն տարածել սահմանային իրավիճակի, զինված ուժերի տեղաշարժերի, գրավյալ տարածքների կամ այլ գործողությունների մասին ոչ թե համայնքի ղեկավարների խոսքերից, այլ հիմնվելով պաշտպանության նախարարության պաշտոնական հայտարարությունների վրա:

Ավելի վաղ Sputnik Արմենիան, վկայակոչելով Իշխանասարի գյուղապետին, հայտնել էր, որ ադրբեջանական զորքերը նահանջել են Իշխանասարի շրջանում։