Ալեն Սիմոնյանի համար շուրջ 200 հազար դոլար արժողությամբ նոր ավտոմեքենա է գնվելու

Կառավարության նոյեբերի 25-ի որոշմամբ մեկ անձից հրատապ գնման ընթացակարգով 90 միլիոն դրամ արժողությամբ BMW 750 LI Xdrive դասի ավտոմեքենա ձեռք կբերվի ԱԺ նախագահ Ալեն Սիմոնյանի համար։ Որոշման նախագիծը չզեկցուցվող հարցերի ցանկում էր:

Որոշման նախագծի մեջ ասվում է, որ Սիմոնյանի նոր մեքենան ձեռք է բերվելու «Եվրոմոթորս»-ից։ Նոր ավտոմեքենա գնելու անհրաժեշտությունը, համաձայն որոշման, պայմանավորված է նրանով, որ ԱԺ նախագահի «սպասարկող մեքենայի ընթացիկ տեխնիկական սպասարկումը դարձել է ծախսատար»: 

Նշվում է նաև, որ BMW 750LI Xdrive-ի ձեռքբերումը իրականացվելու է Ազգային ժողովի կողմից տնտեսված միջոցների հաշվին։

Հատկանշական է նաև այն, որ որոշման վերջին տողում նշվում է՝ այն բխում է «Հայաստանի վերափոխման ռազմավարություն 2050» ռազմավարական փաստաթղթից։

ԶԼՄ-ները նշում են, որ ներկայում BMW-ի հայաստանյան ներկայացուցչությունում մեքենայի գինը 107 միլիոն դրամից նվազել է 92 միլիոն դրամի՝ ակցիայի շրջանակում։