Հայաստանում մեկ օրում հաստատվել է կորոնավիրուսի 934 նոր դեպք, գրանցվել է 20 մահ

Հոկտեմբերի 1-ի, ժամը 11:00-ի դրությամբ կատարվել է 11385 նոր թեստավորում, որից հաստատվել է կորոնավիրուսային հիվանդության 934 նոր դեպք: «Ունենք 728 առողջացած, 20 մահվան դեպք», - հայտնում են Առողջապահության նախարարությունց:

Ընդհանուր առմամբ, ինչպես հայտնում են ԱՆ-ից, հաստատվել է կորոնավիրուսային հիվանդության ընդհանուր 262 631 դեպք, որոնցից 242 569-ն` առողջացած, 5339-ը` մահվան ելքով:

«Կորոնավիրուսային հիվանդությամբ այս պահին փաստացի բուժում է ստանում 13512 պացիենտ: Ընդհանուր առմամբ, կատարվել է 1 724 070 թեստավորում:

Նախորդ օրն արձանագրվել է մահվան 2 դեպք, երբ պացիենտն ունեցել է կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 1211 է», - ասված է հաղորդագրության մեջ: