Ռուսաստանը «Սպուտնիկ V» պատվաստանյութի նոր խմբաքանակներ կմատակարարի Հայաստան. Լավրով

Ռուսաստանը «Սպուտնիկ V» կորոնավիրուսի դեմ պատվաստանյութի նոր խմբաքանակներ կմատակարարի Հայաստան։ Այս մասին հայտարարել է Ռուսաստանի ԱԳ նախարար Սերգեյ Լավրովը՝ Մոսկվայում իր հայ գործընկեր Արարատ Միրզոյանի հետ համատեղ մամուլի ասուլիսի ժամանակ։

ՌԴ նախարարի խոսքով՝ երկու երկրներն էլ ակտիվորեն համագործակցում են համաճարակի դեմ պայքարում, եւ այդ ընթացքում Ռուսաստանն արդեն մի քանի խմբաքանակ դեղամիջոց է մատակարարել Հայաստան:

Լավրովը հավելել է, որ Միրզոյանի հետ բանակցությունների ընթացքում պայմանավորվածություն է ձեռք բերվել շարունակել այդ համագործակցությունը երկու պետությունների բժշկական հաստատությունների եւ գիտական կենտրոնների միջեւ: