Հայաստանը կարևորում է Ղրղզստանի հետ համագործակցության զարգացումը

Հայաստանի նախագահ Արմեն Սարգսյանը շնորհավորական ուղերձ է հղել Ղրղզստանի Հանրապետության Նախագահ Սադիր Ժապարովին՝ երկրի ազգային տոնի՝ Անկախության 30-րդ տարեդարձի առթիվ:

«Հայաստանը կարևորում է Ղրղզստանի հետ միջպետական համագործակցության հետագա զարգացումը, ինչպես նաև տնտեսության և մշակույթի ոլորտներում համատեղ նախագծերի իրականացումն ու ընդլայնումը։

Համոզված եմ, որ մեր երկրների սերտ համագործակցության արդյունքում հայ-ղրղզական հարաբերությունները կբարձրանան ավելի բարձր մակարդակի», - ասված է ուղերձում: