Ձերբակալվել է Մարտակերտի տներից մեկը ներթափանցած ադրբեջանցի զինվորականը

Ձերբակալվել է Մարտակերտի տներից մեկը ներթափանցած ադրբեջանցի զինվորականը։

Այս մասին հայտնում են Արցախի Քննչական կոմիտեից ։

VERELQ-ը հիշեցնում է, որ ոստիկանության, Արցախի Ազգային անվտանգության ծառայության կողմից ստացված օպերատիվ տեղեկությունների և քաղաքացիների զգոնության շնորհիվ օգոստոսի 25-ին Մարտակերտի Տերյան փողոցի տներից մեկում հայտնաբերվել է Ադրբեջանի զինված ուժերի զինծառայող Ջամիլ Բաբաևը:

Նույն օրը նա բերման է ենթարկվել Արցախի Հանրապետության Ազգային անվտանգության ծառայություն: Հարուցվել է քրեական գործ։

Օգոստոսի 28-ին զինծառայող Ջամիլ Բաբաեւին մեղադրանք է առաջադրվել սահմանն ապօրինի հատելու, լրտեսության, սպանության սպառնալիքի համար: