«Խոսրովի անտառ» արգելոցի տարածքում բռնկված հրդեհը մեկուսացվել է

«Խոսրովի անտառ» պետական արգելոցի տարածքում օգոստոսի 24-ին, ժամը 19։48-ին բռնկված հրդեհը մեկուսացվել է: Այդ մասին հայտնում են ԱԻՆ-ից:

Նշվում է, որ օգոստոսի 24-ին, ժամը 19։48-ին Կոտայքի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել «Խոսրովի անտառ» պետական արգելոցի տարածքում։

Դեպքի վայր է մեկնել ԱԻՆ ՓԾ Երևան քաղաքի և մարզային փրկարարական վարչության հրշեջ-փրկարարական ջոկատներից վեց մարտական հաշվարկ և մարզային փրկարարական վարչության երկու օպերատիվ խումբ։

Ըստ նախնական տվյալների՝ այրվում է մոտ 1 հա բուսածածկույթ։ 

Հրդեհը մեկուսացվել է ժամը 23։28-ին։