Պետությունը պետք է վերահսկողություն սահմանի դեղերի գների նկատմամբ. Նարեկ Զեյնալյան

Պետությունը պետք է վերահսկողություն սահմանի դեղերի գների նկատմամբ։ Այս մասին այսօր՝ օգոստոսի 12-ին, ԱԺ-ում հայտարարեց «Քաղաքացիական պայմանագիր» խմբակցության անդամ Նարեկ Զեյնալյանը՝ ելույթ ունենալով ԱԺ առողջապահության հարցերի մշտական հանձնաժողովի նախագահի պաշտոնում իր թեկնածության քննարկման ժամանակ։


Նրա խոսքով՝ պետությունը պետք է ապահովի դեղամիջոցների հասանելիությունը։ «Հայաստանի դեղերի շուկայում գործում են ազատ շուկայական հարաբերություններ, սակայն դեղերի գները ոչ միայն չեն նվազում, այլեւ հակառակը՝ կայուն աճում են, ինչի մասին վկայում է տասնամյակների փորձը», – ասաց պատգամավորը:


Զեյնալյանն ընդգծեց, որ առնվազն վերջին երեք տարիներին ազատ մրցակցության սկզբունքներին հակասող այլ չարաշահումներ չեն արձանագրվել:


Ինչպես հայտարարել է պատգամավորը, կարևոր է դեղամիջոցները չդիտարկել որպես սովորական ապրանք, քանի որ այստեղ խոսքը հանրային առողջության մասին է։ «Կարծում եմ, որ պետությունը պետք է վերահսկողություն իրականացնի դեղերի գների նկատմամբ, ինչպես դա արվում է շատ երկրներում։ Դա հնարավորություն կտա զսպել դեղերի գները և նույնիսկ ապահովել գների նվազումը», - ասել է նա։


Պետական վերահսկողության սահմանումը թույլ կտա բացառել Հայաստանում չգրանցված դեղամիջոցների ներմուծման եւ իրացման հնարավորությունը Հանրապետության տարածքում:

Տպել

Թեմայի այլ նորություններ
Загрузка...