Աթեշյանը Հայաստանի չի գա

Պոլսո Հայոց պատրիարքի փոխանորդ Արամ արքեպիսկոպոս Աթեշյանը, ով Թուրքիայի նախագահ Էրդողանին գրված սկնդաալային նամակի հեղինակն է, այս օրերին Հայաստան չի ժամանի: Այդ մասին հայտնում են Մայր Աթոռ Սուրբ Էջմիածնի տեղեկատվական համակարգից:

Հիշեցնենք, լուրը, որ Աթեշյանը ժամանելու է Հայաստան, բողոքի ալիք էր բարձրացրել հասարակության շրջանում, ստեղծվել էին հասարակական նախաձեռնություններ, որոնք պատրաստվում էին Աթեշյանին օդանավակայանում փթած հավկիթներով ու լոլիկներով դիմավորել:

Հիշեցնենք, Գերմանիայի Բունդեսթագի կողմից հայոց ցեղասպանության ճանաչման բանաձևից հետո Աթեշյանը Թուրքիայի նախագահ Էրդողանին նամակ էր գրել, որում մասնավորապես ասված էր.

«Ձերդ գերազանցություն, հայ ազգը օգտագործվում է իմպերիալիստական ուժերի կողմից: Բանաձեւի ընդունումը հայ ազգի մոտ խորը վիշտ է առաջացրել»: