Խաղաղապահներն ապահովել են Ղարաբաղում քաղաքացիական տրանսպորտի տեղաշարժի անվտանգությունը

Ռուս խաղաղապահները լեռնային ճանապարհներով ծանրաքաշ մեքենաների շարասյունները Լեռնային Ղարաբաղի Մարտունու շրջանի հեռավոր բնակավայրեր ուղեկցելու խնդիրներ են կատարել: Այս մասին հուլիսի 23-ին հայտնել Է ՌԴ ՊՆ մամուլի ծառայությունը։

Ռազմական ոստիկանության ստորաբաժանումներն անցկացրել են վարորդների և մեքենաների զննում և շինարարական նյութերով ու պարենային բեռներով վեց շարասյուններ ուղեկցել Լաչինի միջանցքով Դեպի Հյուսիսային և հարավային ուղղություններով, ինչպես նաեւ Շուշի – Կարմիր Շուկա ու հակառակ ուղղությամբ ոլորապտույտ ճանապարհներով:

Դիտորդական առաքելությունների պատասխանատվության գոտիներում ռուս խաղաղապահները նույնպես ապահովեցին ավտոմեքենաների անվտանգ տեղաշարժը։

Մարտունու շրջանի հեռավոր գյուղերում ռուսական խաղաղապահ զորախմբի ինժեներա-սակրավորների կողմից տարածքի ականազերծումից հետո կատարվում են քաղաքացիական ենթակառուցվածքների վերականգնման և բնակչության բնականոն կենսագործունեության համար պայմանների ստեղծման աշխատանքներ:

Ռուս խաղաղապահների կողմից քսանյոթ դիտակետերում իրադրության շուրջօրյա մոնիթորինգ և հրադադարի ռեժիմի պահպանման վերահսկողություն է իրականացվում, հայտարարել է ՌԴ պաշտպանության նախարար Սերգեյ Շոյգուն, փոխանցում է «Ռիա նովոստի»-ն:

Մեկ օրում չպայթած զինամթերքից և պայթուցիկ նյութերից մաքրվել է 3 հա տարածք և Մարտունու շրջանում ստուգվել է 3 շենք:

Ընդհանուր առմամբ, 2020 թ. նոյեմբերի 23-ից չպայթած զինամթերքից մաքրվել է 2201,5 հա տարածք, 657,3 կմ ճանապարհ, 1 900 շենք, հայտնաբերվել և վնասազերծվել է 25 677 պայթուցիկ նյութ:

Ռուսական խաղաղապահ զորախմբի բոլոր գործողությունները կատարվում են կորոնավիրուսային վարակի տարածումը թույլ չտալու միջոցառումների պահպանմամբ:

Ռուս խաղաղապահների անվտանգությունն ապահովելու և հնարավոր միջադեպերը կանխելու համար Ադրբեջանի ու Հայաստանի զինված ուժերի գլխավոր շտաբների հետ շարունակական փոխգործակցություն է պահպանվում: