Գերմանիայում առաջարկում են դադարեցնել ԵՄ-ին Թուրքիայի անդամակցության բանակցությունները

Ազատ դեմոկրատական կուսակցության խորհրդարանական խմբակցության փոխնախագահ Ալեքսանդր Լամբսդորֆը Եվրամիության առաջնորդների առաջիկա գագաթնաժողովի նախաշեմին կոչ է արել դադարեցնել ԵՄ-ին Թուրքիայի անդամակցության բանակցությունները, հաղորդում Է ՏԱՍՍ-ը:

«Միեւնույն ժամանակ պետությունների եւ կառավարությունների ղեկավարները պետք է օգտագործեն գագաթնաժողովը, որպեսզի վերջ դնեն ԵՄ-ին Թուրքիայի անդամակցության շուրջ անպտուղ բանակցություններին եւ դրա փոխարեն նոր բազան տանեն նրա հետ հարաբերությունների տակ», - հայտարարել է Լամբսդորֆը DPA գործակալությանը:

«Այն փաստը, որ Թուրքիան քիչ առաջ հայտ է ներկայացրել մասնակցելու նախագծին անվտանգության քաղաքականության ոլորտում եվրոպական համագործակցության շրջանակներում, ցույց է տալիս ապագա փոխգործակցության հնարավորությունը՝ անկախ ԵՄ-ին անդամակցության վաղուց հնացած գործընթացից», - նշել է քաղաքական գործիչը:

Դրա հետ մեկտեղ Լամբսդորֆը կարծում է, որ անհրաժեշտ է հստակ ռազմավարություն մշակել Ռուսաստանի եւ Թուրքիայի նկատմամբ: «Համագործակցությունն այնտեղ, որտեղ հնարավոր է, բայց հակասությունն այնտեղ, որտեղ Անկարան կամ Մոսկվան խախտում են մարդու իրավունքներն ու քաղաքացիական իրավունքները կամ եվրոպական աշխարհակարգը», - պնդում էր Լամբսդորֆը:

Ընդ որում, նա հավելել է, որ Գերմանիայի իշխանությունները պետք է որոշեն մորատորիում սահմանել «Հյուսիսային հոսք – 2» գազատարի կառուցման համար: Մյուս կողմից, անհրաժեշտ է ազդանշան տալ այն մասին, որ կլիմայի պաշտպանությունը, տնտեսական համագործակցությունը եւ սպառազինությունների վերահսկողությունը նույնպես գտնվում են եվրոպական շահերի ոլորտում: