Ալիևը հրաժարվել է հանդիպել Բունդեսթագի թուրք պատգամավորների հետ

Հայտնի է դարձել, որ օրերս Գերմանիա կատարած պաշտոնական այցի շրջանակներում Ադրբեջանի նախագահ Իլհամ Ալիեւը չեղարկել է Բունդեսթագում նախատեսված բոլոր հանդիպումները:

Թուրքական լրատվամիջոցներն այսօր տեղեկացրել են, որ Իլհամ Ալիեւը հրաժարվել է հանդիպել նույնիսկ Բունդեսթագի՝ Գերմանիա–Ադրբեջան բարեկամության միջխորհրդարանական խմբի հետ:

Այս կերպ, ըստ մամուլի, նա իր բողոքն է հայտնել հունիսի 2-ին Բունդեսթագի կողմից Հայոց ցեղասպանությունը ճանաչող բանաձեւի ընդունման առնչությամբ եւ այդպիսով իր համերաշխությունը հայտնել Թուրքիայի հետ: