Հայաստանում Ռուսաստանի դեսպանն աշխատանքային այցով գտնվում է Սյունիքի մարզում

Հայաստանում ՌԴ դեսպան Սերգեյ Կոպիրկինը հունիսի 2-ից աշխատանքային այցով գտնվում է Սյունիքի մարզում, հաղորդում է ՌԴ դեսպանատան մամլո ծառայությունը:

Հաղորդագրության մեջ նշվում է, որ ռուսական դիվանագիտական առաքելության ղեկավարը ծանոթացել է Գորիս-Կապան ավտոճանապարհի (Որոտան, Շուռնուխ բնակավայրեր) հատվածում տեղակայված հայ և ռուս սահմանապահների ծառայության, ինչպես նաև Ռուսաստանի անվտանգության դաշնային ծառայության Սահմանապահ ծառայության աշխատակիցների կողմից լուծվող խնդիրների առանձնահատկություններին:

«Մարզկենտրոն մուտք գործելիս Կոպիրկինին դիմավորել է Կապանի քաղաքապետ Գևորգ Փարսյանը, որը դեսպանին ներկայացրել է քաղաքում առկա սոցիալ-տնտեսական իրավիճակը, ինչպես նաև շնորհակալություն է հայտնել Ռուսաստանին տարածաշրջանում անվտանգության ապահովման գործում սահմանապահների մասնակցության համար», - ասված է հաղորդագրության մեջ: