ԵՄ արտաքին գործերի նախարարները կայցելեն Հարավային Կովկասի երեք երկրներ

ԵՄ արտաքին գործերի նախարարները կայցելեն Հարավային Կովկասի երեք երկրներ՝ ԵՄ արտաքին քաղաքական գերատեսչության ղեկավարի անունից։

Այս մասին հայտարարել է ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Ժոզեպ Բորելը Լիսաբոնում ԵՄ արտգործնախարարների հանդիպմանը, հայտնում է «Նովոստի Գրուզիան»։

«Իմ անունից ԵՄ նախարարների խումբը կայցելի Կովկասի երեք երկրներ, որպեսզի հաստատի մեր պատրաստակամությունը՝ մասնակցելու տարածաշրջանի ընթացիկ իրադարձություններին», - հայտարարել է ԵՄ գերագույն ներկայացուցիչը:

Հիշեցնենք, որ այսօր Լիսաբոնում կայացած հանդիպմանը ԵՄ արտաքին գործերի նախարարները Ռումինիայի նախաձեռնությամբ քննարկել են Արևելյան գործընկերության անդամ երկրներում չկարգավորված հակամարտությունների խնդիրը և աջակցել այդ հակամարտությունների լուծման գործում ԵՄ-ի մասնակցության ընդլայնմանը: