ԱՄՆ պետքարտուղարն ու Ալիևը քննարկել են ղարաբաղյան հակամարտությունը

Ապրիլի 28-ին ԱՄՆ պետքարտուղար Էնթոնի Բլինկենը զրուցել է Ադրբեջանի նախագահ Իլհամ Ալիեւի հետ:

Պետքարտուղարը կարևորել է ԵԱՀԿ Մինսկի խմբի համանախագահության ներքո Լեռնային Ղարաբաղի հակամարտության տևական քաղաքական կարգավորմանը հասնելու համար բանակցությունների շարունակումը, որոնք բխում են տարածաշրջանի ողջ ազգաբնակչության շահերից:

Բլինկենը և Ալիևը կարևորել են ԱՄՆ-Ադրբեջան երկկողմ գործընկերության շարունակական ընթացքը և քննարկել մի շարք հարցեր:

Պետքարտուղարն ընդգծել է նաև մարդու իրավունքների և հիմնարար ազատությունների պաշտպանության կարևորությունը: