ԵՏՄ երկրները քննարկում են Ադրբեջանի մասնակցությունը Կազանում միջկառավարական խորհրդի նիստին

Եվրասիական տնտեսական միության (ԵԱՏՄ) երկրները քննարկում են ապրիլի 29-30-ը Կազանում կայանալիք Եվրասիական տնտեսական միության միջկառավարական խորհրդի նիստին ադրբեջանական պատվիրակության հնարավոր մասնակցությունը: Այդ մասին ՌԲԿ-ին հայտնել են Ռուսաստանում եւ Հայաստանում դիվանագիտական երեք աղբյուրներ եւ հաստատել կազմակերպության աշխատակազմի աղբյուրը:


Ինչպես ՌԲԿ-ին պատմել է հայկական կողմի զրուցակիցը, որպեսզի Ադրբեջանը կարողանա Կազան ուղարկել իր ներկայացուցիչներին, Երևանին և Բաքվին անհրաժեշտ է հաղթահարել մի քանի տարաձայնություններ, մասնավորապես, պետք է լուծվի հայ ռազմագերիների վերադարձի հարցը։ «Իրոք, կար նման գաղափար (Բաքվին հրավիրելու)։ Մենք ոչ թե սկզբունքորեն դեմ ենք, մենք ասում ենք, որ կան չլուծված հարցեր, այդ թվում՝ ռազմագերիների հարցը», - հայտարարել է ՌԲԿ-ի աղբյուրը։


Հայկական կողմից ՌԲԿ-ի մեկ այլ զրուցակից, որը ծանոթ է թեմային, հայտնել է, որ Երեւանը կազմել է իր մարդկանց ցուցակը՝ այնտեղ մոտ 200 անուն է, եւ արդեն այն հանձնել է Կարմիր Խաչին: Չլուծված հարցերի թվում ՌԲԿ-ի զրուցակիցները նշել են նաեւ տարածաշրջանում տրանսպորտային հաղորդակցությունների ապասառեցման տարբերակների քննարկումը:


Ռուսաստանի և Հայաստանի ԱԳՆ-ից ՌԲԿ-ի հարցմանը պատասխանել են, որ միությունում կարգավիճակ չունեցող երկրների խորհրդի նիստին մասնակցությունը դեռ քննարկվում է, ԵԱՏՄ անդամ պետությունների համաձայնեցված դիրքորոշումը դեռեւս չկա:

Տպել

Թեմայի այլ նորություններ
Загрузка...