Ձեր պաշտոնյաները թյուրիմացության մեջ են գցում բնակչությանը. Մուրադով (ՏԵՍԱՆՅՈՒԹ)

«Հրապարակի» թղթակիցն այսօր «Ռեդիսոն Բլյու» հյուրանոցի տարածքում հանդիպել է Արցախում ռուսական խաղաղապահ բրիգադի հրամանատար Ռուստամ Մուրադովին։ Ավելի վաղ լրատվամիջոցը լուր էր ստացել, որ այդ հյուրանոցից Մուրադովը ժամը 12։20-ին պատրաստվում է գնալ Նիկոլ Փաշինյանի հետ հանդիպման։

Թղթակիցը Մուրադովից հետաքրքրվել է, թե ինչո՞ւ էին Հայաստանի պաշտոնատար անձինք երեկ հայտարարում, որ գերիներ են վերադառնալու, բայց այդպես էլ չվերադարձան։

«Կեղծ պրովոկացիա էր: Նրանք թյուրիմացության մեջ են գցում բնակչությանը»,- պատասխանել է Մուրադովը։

Ինչ վերաբերում է հարցին՝ իսկ արդյոք գերիների վերադարձ նախատեսված է եղել, Մուրադովն արձագանքել է՝ ոչ.

"Չի եղել: Դա սովորական աշխատանքային այց էր":

Ռուս պաշտոնյան հրաժարվել է պատասխանել, թե արդյոք մեկնում է Նիկոլ Փաշինյանի հետ հանդիպման.

"Չեմ մեկնաբանում",- ասել է նա:

Մուրադովի հետ ամբողջական զրույցը՝ տեսանյութում։