Վրաստանի գյուղնախարարությունը կօգնի Ջավախքի ֆերմերներին կարտոֆիլի իրացման հարցում

Վրաստանի գյուղատնտեսության նախարարությունը պատասխանել է Ախալքալաքի մունիցիպալիտետի սակրեբուլոյի նամակին, որում խնդրել է օգնել Ջավախքի ֆերմերներին կարտոֆիլի իրացման հարցում: Այս մասին հայտնում է Jnews-ը։

Ըստ աղբյուրի, նախարարությունը պարտավորեցրել է 13 արտահանողների հնարավորության դեպքում գտնել գնորդներ և օգնել կարտոֆիլի իրացմանը:

Հիշեցնենք, որ սակրեբուլոն դիմել էր Վրաստանի Գյուղատնտեսության նախարարությանը՝ ստեղծված իրավիճակից ելք գտնելու համար։ Շուտով կսկսվի նոր գյուղատնտեսական սեզոնը, սակայն համայնքում դեռեւս չի իրականացվել նախորդ տարվա բերքը։

Համայնքում չի իրացվել շուրջ 48 000 տոննա կարտոֆիլ (մանր եւ խոշոր)։