29.03.2024
Նախագահը Եռաբլուրում հարգանքի տուրք մատուցեց Ապրիլյան պատերազմի զոհված հերոսների հիշատակին
prev Նախորդ նորություն

Նորություններ գործընկերներից

«Անկախության արահետը» հարստացավ պատերազմում զոհված մնջախաղաց Հովհաննես Հաջինյանի ծառով

Հավանաբար, արահետն ունի մի անբացատրելի ձգողական ուժ. այն դեպի իրեն է կանչում` ուղղորդելով քայլերը, երբեմն անտեսանելի, բայց ապագայի հանդեպ հույս ներշնչող ճանապարհով:




Այդպիսինն է Երևանի բուսաբանական այգու` «Անկախության արահետը», որն ապրիլի 1-ին իր հյուրընկալ դռները բացեց Ապրիլ1յան «Մեկից մեկ» նախաձեռնող խմբի ներկայացուցիչների առջև` երկիծաբան Սամվել Բաղդասարյանի գլխավորությամբ:




Համատեղ ջանքերով արահետը հարստացավ ևս մեկ ծառով: Իրականացվեց ապրիլ1յան խորհրդանշական «Կենաց ծառ» վերնագրված ծառատունկ-արարողությունը: Ետպատերազմյան իրականության համատեքստում, «Կենաց ծառը» յուրահատուկ սիմվոլ է` շարունակականության, լավատեսության ու կենսահաստատ ապագայի: Արարողության մասնակիցներից յուրաքանչյուրը մեկ բահ հողով ամրացրեց նորատունկ ծառի արմատը` բացակա չդնելով իրենց ընկերոջը` պատերազմում զոհված դերասան-մնջախաղաց Հովհաննես Հաջինյանին: Մեկ բահ էլ ավելացվեց նրա անմար անունից:

Չկտրվելով իրականությունից, նախաձեռնության անդամները ծառատունկի լուրջ արարողությունը զուգորդեցին հումորով, կատակներով, ապրիլ1յան հիմնի հնչյունների ներքո, հանդես եկան շնորհավորական խոսքերով, բարեմաղթանքներով:

Հատուկ շնորհակալություն հայտնեցին Երևանի բուսաբանության ինստիտուտին, հանձինս տնօրեն Անահիտ Ղուկասյանին` նախաձեռնությունը ողջունելու և ծառ-տնկիները տրամադրելու համար։


Հ.Գ. Հիշեցնենք, որ մի խումբ սրտացավ այցելուների նախաձեռնությամբ ու ջանքերով, խորհրդանշական «Անկախության արահետը», իր ծնունդը արձանգրեց 2020 թվականի սեպտեմբերի 21-ին Երևանի բուսաբանական այգում, նույն օրը ծնունդ տալով նաև 30 ծառ-տնկիներին: Իսկ սեպտեմբերի 26-ին արահետում անցկացվել էր, Կոմիտաս Վարդապետի ծննդյան 151 ամյակին նվիրված ծառատունկ-հիշատակումը։

Քաղաքապետն այցելել է Բաբաջանյան-Աշտարակ և Արգավանդ-Շիրակ ճանապարհահատվածների շինհրապարակ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար