Թշնամու վերահսկողության տակ անցած Մարտունու շրջանում հայտնաբերվել է 3 աճյուն

Արցախի ՆԳ նախարարության ԱԻ պետական ծառայության փրկարարական ջոկատները մարտի 16-ին որոնողական աշխատանքների արդյունքում Մարտունու շրջանի թշնամու վերահսկողության տակ անցած հարավ-արևելյան թևից հայտնաբերել և տարհանել են ևս 3 զոհված զինծառայողի աճյուն:

Վարանդայի (Ֆիզուլի) ուղղությունում աշխատանքներն արդյունք չեն տվել:

Որոնումներն այսօր կշարունակվեն Հադրութի շրջանում:

2020 թվականի նոյեմբերի 13-ից առ այսօր Արցախի վերահսկողությունից դուրս գտնվող տարածքներից հայտնաբերվել է ընդհանուր 1502 աճյուն: