«Սպուտնիկ V» պատվաստանյութը պաշտպանում է բրիտանական COVID-19-ի շտամից. Գինցբուրգ

Կորոնավիրուսի «Սպուտնիկ V» ռուսական պատվաստանյութը պաշտպանում է բրիտանական COVID-19-ի շտամից։ Այս մասին հայտարարել է Գամալեայի կենտրոնի տնօրեն Ալեքսանդր Գինցբուրգը, փոխանցում է «ՌԻԱ Նովոստի»-ն։

Նրա խոսքով՝ այլ շտամներից պաշտպանվելու վերաբերյալ հետազոտությունն ընթանում է, արդյունքները կարող են հայտնվել մեկ շաբաթից:

«Այսօրվա դրությամբ փորձարկված է նաեւ մեր ինստիտուտի լաբորատորիաներում, որ «Սպուտնիկ V»-ը՝ շիճուկը, որը ստացվել է «Սպուտնիկ V»-ի պատվաստանյութերից, հիանալի չեզոքացնում է COVID-19-ի հարուցիչի բրիտանական տարբերակը», - ասել է Գինցբուրգը ճեպազրույցի ժամանակ: