Ադրբեջանը վերադարձրել է Հայաստանին բոլոր ռազմագերիներին. ԱԳՆ

Ադրբեջանը վերադարձրել է Հայաստանին բոլոր ռամզագերիներին իր ստանձնած պարտավորությունների շրջանակում: Այս մասին Բաքվում ԵԱՀԿ գործող նախագահ Անն Լինդեի հետ բանակցություններին հաջորդած ասուլիսում հայտարարել է Ադրբեջանի արտգործնախարար Ջեյհուն Բայրամովը:

Նա նշել է, որ այդ հարցում Ադրբեջանի դիրքորոշումը շատ "բաց ու պարզ է".

"Եռակողմ հայտարարությանը համապատասխան մենք փոխանցել ենք հայկական կողմին բոլոր ռազմագերիներին, որոնք գերեվարվել էին Ղարաբաղում ռազմական գործողությունների ընթացքում և մինչ դրանց մեկնարկը",- ասել է ադրբեջանցի նախարարը, հայտնում է ՏԱՍՍ-ը: