Բաքուն պատրաստ է Ադրբեջանի և Հայաստանի միջև հաղորդակցության բացմանը. Ալիև

Ադրբեջանի եւ Հայաստանի միջեւ հաղորդակցությունների բացումը կարող է Լեռնային Ղարաբաղի շուրջ հակամարտությունը պատմության մեջ ամբողջությամբ թողնելու եկալկետը դառնալ, Բաքուն պատրաստ է դրան: Այս մասին հայտարարել է Ադրբեջանի նախագահ Իլհամ Ալիեւը՝ կիրակի օրը ընդունելով ԵԱՀԿ գործող նախագահ, Շվեդիայի արտգործնախարար Անն Լինդեին։

«Մենք արդեն ձեռնամուխ ենք եղել Հայաստանի եւ Ադրբեջանի միջեւ հաղորդակցությունների բացման շուրջ բանակցությունների գործընթացին։ Դա նոյեմբերի 10-ին ստորագրված [եռակողմ] հայտարարության մի մասն է։ Արդեն կայացել են բանակցությունների մի քանի փուլեր տարբեր մակարդակներում։ Կարծում եմ, որ հենց այդ հարցը կարող է ելակետ դառնալ պատերազմի էջն ամբողջությամբ շրջելու եւ պատմության մեջ այն թողնելու համար», - ՏԱՍՍ-ի փոխանցմամբ՝ ասել է Ալիեւը։

Նրա կարծիքով, հաղորդակցությունների բացումն օգտակար կլինի ամբողջ տարածաշրջանին, դինամիկա կհաղորդի տարածաշրջանային համագործակցությանը եւ նոր հնարավորություններ կբացի: «Դա կարող է հանգեցնել պոտենցիալ համագործակցության բազմաթիվ ոլորտներում։ Ես արդեն բացահայտ ասել եմ, որ Ադրբեջանը պատրաստ է դրան», - հավելել է նա։ Ինչպես կարծում է Ադրբեջանի նախագահը, պատերազմից հետո անցած չորս ամիսները «ցույց են տալիս երկու կողմերի կամքը փակել [այդ] էջը եւ ուշադրություն դարձնել ապագային»:

Իր հերթին Լինդեն ընդգծել է, որ ԵԱՀԿ-ն «կքննարկի, թե ինչ կարող է անել, որպեսզի ներդրում ունենա հակամարտության կարգավորման գործում»: Նա նշել է առաջնահերթությունը: այս համատեքստում, միջազգային իրավունքի, մարդու իրավունքների պաշտպանության, մարդասիրական իրավունքի, խաղաղության եւ անվտանգության համար: