Միրզոյանը Մատվիենկոյին խնդրել է օգնել գերեվարված երկու կանանց վերադարձի հարցում

ՀՀ Ազգային ժողովի նախագահ Արարատ Միրզոյանը Ռուսաստանի Դաշնության խորհրդի նախագահ Վալենտինա Մատվիենկոյի հետ հեռախոսազրույցում խնդրել է օգնել Ադրբեջանում գերության մեջ գտնվող երկու կանանց վերադարձի հարցում։ Այս մասին Մատվիենկոն հայտնել Է «ՌԻԱ Նովոստի»-ին տված հարցազրույցում։

«Ես արդեն հեռախոսազրույց եմ ունեցել Ադրբեջանի խորհրդարանի նախագահ Սահիբա Գաֆարովայի հետ, դիմել եմ նրան՝ խնդրելով քննարկել այդ կանանց վերադարձի հնարավորությունը։ Քանի որ, երբ խոսքը վերաբերում է կանանց, դա հատկապես զգայուն, շատ մտահոգիչ է: Հուսով եմ, որ ադրբեջանական կողմը կարձագանքի իմ խնդրանքին», - ասել է Մատվիենկոն։