Փաշինյանի հրաժարականը պահանջող մի խումբ քաղաքացիներ մտել են կառավարության մասնաշենք

ՀՀ վարչապետ Նիկոլ Փաշինյանի հրաժարականը պահանջող մի խումբ քաղաքացիներ մուտք են գործել կառավարության երրորդ մասնաշենք:


Լրատվամիջոցների հաղորդմամբ, նրանք նախարարությունների աշխատակիցներին կոչ են արել չաջակցել վարչապետին և չմասնացել վարչապետ Նիկոլ Փաշինյանի նախաձեռնած հանրահավաքին:


Ակցիան իրականացրել են ՀՅԴ անդամները:


«Հարգելի նախարարությունների աշխատակիցներ, մենք այսօր եկել ենք ձեզ տեղեկացնելու, հատկապես՝ պետական աթոռները զավթած նախարարներին, որ այսօր, երբ մեր երկիրը շատ կարևոր և դժվար փուլում է գտնվում, նախարարները չզբաղվեն վարչական ռեսուրսը օգտագործելով՝ դավաճան Նիկոլ Փաշինյանի այսօրվա հավաքը լցնելու հետ կապված:


Մենք այսօր չենք եկել շենք գրավելու, մենք այսօր չենք եկել ձեր պես իշխանական աթոռները զավթելու, մենք եկել ենք ձեզ բոլորիդ տեղեկացնելու, որ զբաղվեք ձեր գործով, քանի դեռ զավթված են այս աթոռները», - հայտարարել են նրանք նախարարության շենքում:


Նշվում է, որ դաշնակցականները չեն անցել ոստիկանական անցակետը և ակցիան իրականացրին շենքի նախասրահում: Ակցիան մոտավորապես 10 րոպե տևեց, ինչից հետո ցուցարարները լքեցին շենքը:


Նույն պահանջով բողոքի ակցիաներ իրականացնող քաղաքացիների մեկ այլ խումբ էլ մուտք է գործել Երևանի Կենտրոն վարչական շրջանի ղեկավարի աշխատակազմի վարչական շենք և իրազեկման ակցիա իրականացնելուց հետո լքել թաղապետարանի շենքը:


 


 


 

Տպել

Թեմայի այլ նորություններ
Загрузка...