Ղարաբաղի Մարտունու շրջանում վնասազերծվել է մոտ 400 պայթուցիկ նյութ. ՌԴ ՊՆ

Ռուսական խաղաղապահ զորակազմի մարդասիրական ականազերծման վաշտի անձնակազմի կողմից կատարվել են Մարտունու շրջանի Կարմիր բազար բնակավայրի շրջանում տեղի ունեցած պայթյունավտանգ առարկաներից տեղանքի մաքրման աշխատանքներ:

Այս մասին հայտնում է Ռուսաստանի Պաշտպանության նախարարությունը։

Ականազերծման ընթացքում ռուս սակրավորները վնասազերծել են շուրջ 400 պայթյունավտանգ առարկաներ, որոնց թվում 122 մմ բեկորային-ֆուգասային հրետանային արկերն ու գումարային տանկային զինամթերքը:

Հայտնաբերված պայթուցիկ իրերը դուրս են բերվել և ոչնչացվել Բալիջա հատուկ սարքավորված հրաձգարանում։ Զինամթերքը, որը հնարավոր չէ տարհանել, ոչնչացվել է տեղում՝ ապահովելով պայթուցիկ աշխատանքների ժամանակ անվտանգության բոլոր անհրաժեշտ միջոցները:

Ընդհանուր առմամբ, 2020 թ. նոյեմբերի 23-ից չպայթած զինամթերքից մաքրվել է 1419 հա տարածք, 443 կմ ճանապարհ, 1361 տնաշինություն, այդ թվում ՝ 30 սոցիալապես նշանակալից օբյեկտ, հայտնաբերվել և վնասազերծվել է 24 453 պայթուցիկ առարկա:

Ռուսաստանի նախագահի, Ադրբեջանի նախագահի եւ Հայաստանի վարչապետի համատեղ հայտարարության մեջ նշված պայմանավորվածությունների համաձայն, 2020 թվականի նոյեմբերի 10-ին Մոսկվայի ժամանակով 00:00-ից սկսած հայտարարվել է Լեռնային Ղարաբաղում կրակի եւ բոլոր ռազմական գործողությունների լիակատար դադարեցում: