Արցախում հրադադարի ռեժիմը պահպանվում է շփման գծի ողջ երկայնքով. ՌԴ ՊՆ

Ռուսաստանի խաղաղապահ զորախումբը շարունակում է Լեռնային Ղարաբաղի տարածքում խնդիրների կատարումը: Այս մասին հայտնում է Ռուսաստանի Պաշտպանության նախարարությունը։

Ռուս խաղաղապահների կողմից քսանյոթ դիտակետերում իրադրության շուրջօրյա մոնիթորինգ եւ հրադադարի ռեժիմի պահպանման վերահսկողություն է իրականացվում: Այս մասին հայտարարել է ՌԴ պաշտպանության նախարար Սերգեյ Շոյգուն, փոխանցում է «Ռիա նովոստի»-ն:

Հրադադարի պահպանման ռեժիմը պահպանվում է շփման գծի ողջ երկայնքով:

Ռուս խաղաղապահներն ապահովում են քաղաքացիների՝ իրենց մշտական բնակության վայրեր վերադառնալու անվտանգությունը, քաղաքացիական ավտոտրանսպորտի երթեւեկությունը, Պարենի եւ տարբեր ապրանքների փոխադրումը Լաչինի միջանցքով:

Ընդամենը 2020թ. նոյեմբերի 14-ից Լեռնային Ղարաբաղում նախկին բնակության վայր է վերադարձել 52415 մարդ։

Ռուսական խաղաղապահ զորախմբի դիտորդական դիրքերի անձնակազմի հետ պլանային կարգով անց են կացվում մարտական պատրաստության եւ խախտումների կանխման վարժանքներ, ինչպես նաեւ դիտորդական կետի վրա հնարավոր հարձակման միջոցառումներ:

Հաղորդագրությունների ենթակառուցվածքը ներառում է անձնակազմի բնակության համար հարմարավետ բնակելի մոդուլներ, սննդի պատրաստման եւ ընդունման բլոկ-մոդուլ, ինչպես նաեւ տրանսպորտային-տեխնոլոգիական բլոկ-մոդուլ, որը հագեցած է մշտական էլեկտրաէներգիայի մատակարարման համար ագրեգատներով:

Բոլոր դիտակետերը համալրված են ամրաշինական կառույցներով, որոնք նախատեսված են զինծառայողներին հրաձգային զենքից եւ բեկորներից պաշտպանելու համար:

Ռուսաստանի նախագահի, Ադրբեջանի նախագահի եւ Հայաստանի վարչապետի համատեղ հայտարարության մեջ նշված պայմանավորվածություններին համապատասխան, 2020 թվականի նոյեմբերի 10-ին Մոսկվայի ժամանակով 00:00-ից հայտարարվել է Լեռնային Ղարաբաղում կրակի եւ բոլոր ռազմական գործողությունների լիակատար դադարեցում:

Լեռնային Ղարաբաղում կրակի դադարեցման եւ ռազմական գործողությունների վերահսկման համար տեղակայված է Ռուսաստանի Դաշնության խաղաղապահ զորախումբը: Ռուս խաղաղապահների կողմից ապահովվում է փախստականների անվտանգ վերադարձը և հրադադարի ռեժիմը Լեռնային Ղարաբաղում։