Հիվանդանոցից տնային բուժում. ՀՀ նախագահի առողջական վիճակի մասին

Կորոնավիրուսից բուժվող ՀՀ նախագահ Արմեն Սարգսյանն առաջիկա օրերին դուրս կգրվի հիվանդանոցից։ Այս մասին հայտնում են ՀՀ նախագահի մամուլի ծառայությունից։

«Նախագահը կշարունակի բուժումը տնային պայմաններում՝ բժիշկների հսկողության ներքո։ Նրան անկողնային ռեժիմ է ցուցված։ Առողջանալուց եւ բժիշկների համապատասխան թույլտվություն ստանալուց հետո նախագահը կվերադառնա Հայաստան, իսկ մինչ այդ կշարունակի աշխատել հեռավար», - ասված է հաղորդագրության մեջ:

VERELQ-ը հիշեցնում է՝ հունվարի 5-ին հայտնի դարձավ, որ Արմեն Սարգսյանի մոտ, որն այդ պահին Լոնդոնում էր և այժմ էլ այնտեղ է, հայտնաբերել է կորոնավիրուս: Նա ինքնամեկուսացման մեջ է: Վարակվել է նաև նրա կինը։ Տեղեկացվել էր, որ Սարգսյանը կորոնավիրուսը տանում է այդ հիվանդությանը բնորոշ ախտանշաններով, հիվանդության ընթացքը ծանր է։